Ծնվել եմ Արցախում
Կարևոր է, որ դու պատրաստ լինես զոհվել հանուն քո հայրենիքի, բայց ավելի կարևոր է, որ դու պատրաստ լինես ապրել հանուն նրա:
Թեոդոր Ռուզվելտ
Գաղափարի մասին
Արցախում ծնված 500-ից ավել պատանի երաժիշտների սերունդը ապրում է այսօր Հայաստանում` մեր կողքին, և մեր աջակցության կարիքը ունի: Կրթելով և զարգացնելով Արցախում ծնված տաղանդների վերջին սերնդին` մենք կկարողանանք ներկայացնել աշխարհի ամենաբարձր բեմերում արցախցիների մշակութային ժառանգությունը:
Աշխարհում ամենակարդացվող կենսագրությունները համարվում են արտիստների կենսագրությունները: Դրանք ամենաշատն են տարածվում և ունեն ազգային պատկանելիության ամենաազդեցիկ դերը:
«Ծնվել եմ Արցախում» ծրագրի գաղափարի հեղինակն է UNICEF-ի ազգային դեսպան, դիրիժոր Սերգեյ Սմբատյանը։ Այս նախաձեռնությունը նպատակ ունի փոխակերպել Արցախի տաղանդավոր երեխաների կյանքը և ստեղծել արժանապատիվ և հաջողակ ապագա պատանի երաժիշտների համար հետևյալ մասնագիտություններով՝ ջութակ, ալտ, թավջութակ, ֆլեյտա, հոբոյ, կլարնետ, ֆագոտ, գալարափող, շեփոր, տրոմբոն, հարվածային գործիքներ (ոչ ազգային նվագարաններ), դաշնամուր և տավիղ:
Անցնելով հստակ գործողությունների ճանապարհով` մենք ունենք հնարավորություն ապագա երաժիշտների կենսագրություններում «Ծնվել եմ Արցախում» արտահայտությունը դարձնել ամենակարդացվողը աշխարհում:
5 տարիների աշխատանք
Ապագան թվերով
4,945
մասնագիտական դաս
Հայաստանի լավագույն պրոֆեսորների հետ
1,725
այցելություն
Հայաստանի թանգարաններ
5,175
հրավիրատոմս
Հայաստանի սիմֆոնիկ նվագախմբի համերգների
575
վարպետության դաս
աշխարհի լավագույն արտիստների հետ
4,945
օտար լեզուների դաս
ռուսերեն և անգլերեն
60
ամիս դրամական և նյութական աջակցություն
Դառնալ ծրագրի շահառու
«Արվեստ23» ՀԿ-ն մեկնարկում է «Ծնվել եմ Արցախում» կրթական ծրագիր Արցախում ծնված և Արցախից տեղահանված մինչև 18տ. տաղանդավոր պատանի երաժիշտների համար հետևյալ մասնագիտություններով՝ ջութակ, ալտ, թավջութակ, ֆլեյտա, հոբոյ, կլարնետ, ֆագոտ, գալարափող, շեփոր, տրոմբոն, հարվածային գործիքներ (ոչ ազգային նվագարաններ), դաշնամուր և տավիղ:
Ակնկալվող արդյունքներ 5 տարվա ընթացքում
15 միջազգային մրցույթի
դափնեկիր
21 համերգային ելույթ
միջազգային փառատոներում
25 անդրադարձ
միջազգային մամուլում
Մենք հավատում ենք
Մենք հավատում ենք, որ կկրթենք բարձր որակի պրոֆեսիոնալ երաժիշտների, ովքեր իրենց կենսագրություններում գրելով «ԾՆՎԵԼ ԵՄ ԱՐՑԱԽՈՒՄ» արտահայտությունը` կշարունակեն ապրեցնել Արցախի հայի գենը ամբողջ աշխարհում: